ପୁନଃ ମତଦାନବେଳେ ଲୋକଙ୍କୁ ଧମକାଉଛି ଟିଏମସି : ଅପରାହ୍ନ ୧ଟା ସୁଦ୍ଧା ୫୫.୫୭% ମତଦାନ
ନୂଆଦିଲ୍ଲୀ: ପଶ୍ଚିମବଙ୍ଗର ଦକ୍ଷିଣ ୨୪ ପ୍ରଗଣା ଜିଲ୍ଲାରେ ଚାଲିଥିବା ପୁନଃନିର୍ବାଚନରେ ଅପରାହ୍ନ ୧ଟା ସୁଦ୍ଧା ଭଲ ମତଦାନ ହୋଇଛି। ମଗରହାଟ ପଶ୍ଚିମ ବିଧାନସଭା ନିର୍ବାଚନ ମଣ୍ଡଳୀରେ ପ୍ରାୟ ୫୬.୩୩ ପ୍ରତିଶତ ମତଦାନ ହୋଇଥିବାବେଳେ ଡାଇମଣ୍ଡ ହାର୍ବରରେ ପ୍ରାୟ ୫୪.୬ ପ୍ରତିଶତ ମତଦାନ ହୋଇଛି। ଉଭୟ ନିର୍ବାଚନ ମଣ୍ଡଳୀରେ ମିଳିତ ମତଦାନ ୫୫ ପ୍ରତିଶତ ଅତିକ୍ରମ କରିଛି। ସକାଳ ୭ଟାରୁ ଆରମ୍ଭ ହୋଇଥିବା ମତଦାନ ସମୟରେ ଭୋଟରଙ୍କ ଲମ୍ବା ଧାଡ଼ି ଦେଖିବାକୁ ମିଳିଥିଲା। ସେପଟେ ପଶ୍ଚିମବଙ୍ଗର ଦକ୍ଷିଣ ୨୪ ପରଗନା ଜିଲ୍ଲାର ଫାଲତା ଅଞ୍ଚଳରେ ପୁନଃନିର୍ବାଚନ ସମୟରେ ଉତ୍ତେଜନା ଦେଖାଦେଇଥିଲା। ସ୍ଥାନୀୟ ଲୋକମାନେ ପ୍ରତିବାଦ କରିବା ସହ ଅଭିଯୋଗ କରିଥିଲେ ଯେ ତୃଣମୂଳ କଂଗ୍ରେସ ନେତାମାନେ ସେମାନଙ୍କୁ ଭୟଭୀତ କରୁଛନ୍ତି। ପ୍ରତିବାଦ ସମୟରେ ଲୋକମାନେ ସୁରକ୍ଷା ଏବଂ ନିରପେକ୍ଷ ମତଦାନ ଦାବି କରିଥିଲେ। ପରିସ୍ଥିତିକୁ ଦୃଷ୍ଟିରେ ରଖି, ବହୁ ସଂଖ୍ୟକ ସୁରକ୍ଷା ବାହିନୀ ମୁତୟନ କରାଯାଇଥିଲା। ପୁଲିସ୍ ଏବଂ କେନ୍ଦ୍ରୀୟ ବାହିନୀ ପରିସ୍ଥିତି ଉପରେ ପୁରା ନଜର ରଖିଛନ୍ତି। ସକାଳ ୧୧ଟା ପର୍ଯ୍ୟନ୍ତ ମୋଟ ହାରାହାରି ଭୋଟରଙ୍କ ମତଦାନ ହାର ୩୬.୯୯ ପ୍ରତିଶତ ଥିଲା।
Comments (0)